麻辣串串香 (已結業)

自选麻辣烫（$43 / 四𩠌)原来九龙湾德宝商场入面有好多嘢食！入面有个好有特色嘅细food court ，今次试咗呢间叫 #麻辣串串香 ，主要食酸辣粉同麻辣烫，咁酸辣粉就食得多，今次就试吓个麻辣烫。麻辣烫其实就系麻辣火锅嘅简单版，细细碗过下瘾都几唔错😎Order嘅时候写点餐纸，写咗四款𩠌都系40几蚊，呢度仲有个大大碗嘅package有10款𩠌都只系$40蚊，想食多𩠌可以拣呢个。等咗大概10分钟左右就食得，叫咗小辣，粉丝挂汤几好，汤底几麻几香，辣度岩岩好，唔会辣到食唔到，叫咗鸡翼尖、韭菜云吞、猪肠同猪腩肉，味道都唔错，最好食系鸡翼尖，几入味👌🏻不过可能碗野太细碗食完就唔系几饱，如果大食嘅朋友仔可以去隔离铺加多件小食就啱啱好。