影片
更多
2014-06-28
862 浏览
星期日同一班教会小组朋友晌青衣城食完饭，再到盈翠会所打保龄，喺个大人细路开心同乐日。美心又有新蛋糕推出，仲要喺可爱嘅熊猫造型，一定好啱用嚟氹小朋友，一于熊猫蛋糕做饭后甜品啦 ！今次名为「kiss kiss熊猫」系列，原来喺美心为全力支持世界自然基金会（WWF）嘅合作，期望宣掦保育讯息，加上近日周围都有「纸熊猫」快闪嘅踪影，迟啲1,600只「熊猫」仲会落户到中环 PMQ元创方，继续引起唔少热话。是次系列，除咗「kiss kiss熊猫」蛋糕之外，仲有打孖上嘅「熊猫仔仔」、「熊猫女女」甜品杯，前者蛋糕卖$168一个，每卖出一个美心就会捐$5俾WWF ；而后者甜品杯则卖$26一杯，卖出一个亦会捐$1俾WWF。捐款额以$70,000为上限，如果无上限就更好啦 ！ kiss kiss熊猫蛋糕 $168 外型的确几讨好，外表圆圆滑滑，一双超大「熊猫眼」。朋友个大仔就几钟意，但似乎个细仔摸摸自己个头，以为我哋讲紧似佢添，个样有啲唔高兴咁，哈哈 。个蛋糕以「石板街味道」为蓝本，松脆嘅饼干饼底、富弹力嘅海绵蛋糕、香浓嘅朱古力慕丝、夹杂粒粒棉花糖，最惊喜喺朱古力慕丝有点点果仁碎，口感富层次
今次名为「kiss kiss熊猫」系列，原来喺美心为全力支持世界自然基金会（WWF）嘅合作，期望宣掦保育讯息，加上近日周围都有「纸熊猫」快闪嘅踪影，迟啲1,600只「熊猫」仲会落户到中环 PMQ元创方，继续引起唔少热话。
是次系列，除咗「kiss kiss熊猫」蛋糕之外，仲有打孖上嘅「熊猫仔仔」、「熊猫女女」甜品杯，前者蛋糕卖$168一个，每卖出一个美心就会捐$5俾WWF ；而后者甜品杯则卖$26一杯，卖出一个亦会捐$1俾WWF。捐款额以$70,000为上限，如果无上限就更好啦 ！
kiss kiss熊猫蛋糕 $168 外型的确几讨好，外表圆圆滑滑，一双超大「熊猫眼」。朋友个大仔就几钟意，但似乎个细仔摸摸自己个头，以为我哋讲紧似佢添，个样有啲唔高兴咁，哈哈 。
个蛋糕以「石板街味道」为蓝本，松脆嘅饼干饼底、富弹力嘅海绵蛋糕、香浓嘅朱古力慕丝、夹杂粒粒棉花糖，最惊喜喺朱古力慕丝有点点果仁碎，口感富层次 ，而最外层嘅云呢拿慕丝亦香滑少甜，无怪乎大家都赞个蛋糕做得出色 。
熊猫仔仔、熊猫女女甜品杯 @$26睇介绍牌，双双对对嘅甜品杯，熊猫仔仔喺朱古力味，而熊猫女女喺士多啤梨味，两个杯面都有张可爱仔仔、女女卡，一睇个外形就知边个喺仔仔，边个喺女女。好味吗？试吓就知！
题外话，话说我哋饭后仲有打保龄活动，结果，成绩都唔及啲细路，无他嘅，佢哋「慢流」嘅打法加埋儿童专享嘅「防撞栏」 ，包唔落坑，局局有分，再者，小弟打保龄又的确喺屎波嘅 。
个熊猫系列会做到几时？以美心一向转款快又经常出新产品，有兴趣嘅朋友都喺尽快买嚟试试，免得苏州过后无艇搭 。
张贴
