來佬餐館 (已結業)

记得以前喺兰桂坊食过一次。不过之后间嘢折咗。最近见佢又寄生喺湾仔Red Mr入面。今次去系同一位妈妈朋友。即系话佢系我个仔Playgroup同学的妈妈。我哋一行两大两小去。放咗playgroup之后就去食午餐。喺岀面见到一个磅重机，超怀旧，仲要work嘅。只需要$2就玩到。我同阿仔玩咗两次。到入去，有个男侍应超贴心，见到我哋有小朋友，就俾咗啲纸笔小朋友玩。(不过其实我唔建议阿仔咁快用铅笔，不过人哋一番好意⋯⋯)食物系好食嘅。本来想坐底慢慢食，可惜阿仔唔生性，食食吓就浊亲喺度呕，所以我哋中途未食完就快快走人。价钱来说，下午茶扺食，不过午餐偏贵。服务好，特别系个男侍应值得一赞，但个女嘅就⋯⋯好似有点嫌弃小朋友啰。环境都算卫生，有点怀旧，所以感觉比较老旧。呢一点洁癖嘅我有点心理作用，感觉不太好。强推佢个来佬汁炒牛河。说穿了其实系瑞士汁炒牛河，成碟嘢上晒色，好靓仔。够味，唔太甜，又唔太咸。合我嘅口味。另外烧卖也不错。黑松露炒饭都好食，不过感觉之前喺中环好似好食啲。