黃金冰室 (欽州街) (已結業)

收工同男友去食黄金冰室 以前食过都ok既，但呢家完全揾笨实。咁我地叫左金银蛋花甲浸时蔬 同埋 家乡莲藕煎肉饼 孖宝餐138好似几抵㖞。咁第1个送，浸时蔬其实系得几条菜，只碟既深度大家有眼睇到，味道系不过不失，但得果小小，卖呢个价钱我觉得当我傻仔。之后谂住有第2个送帮补下就算啦，当我地食哂碟野个肉饼先黎，一见到就R哂头，我叫家乡莲藕煎肉饼，佢呢旧野系揾2块劲油莲藕入面酿小小肉，仲要粉红色既，我想像既肉饼应该系肉多过莲藕，点解会变左莲藕酿肉，我估计成本唔洗10蚊，其实你个餐牌叫煎莲藕什至莲藕汉堡我都冇咁嬲，但你叫家乡莲藕煎肉饼，我无知，究竟咩乡下既煎肉饼系咁。我男友成餐饭系咁闹，都唔知食左d乜，返到屋企仲要自己煮野食。