東喜茶 (已結業)

夜晚收咗工，见口渴，喺尖沙咀周围揾吓野饮！经过iSquare，附近有东喜茶未关门，所以就帮衬下～之前有饮过旺角𠮶间，饮芝士桂花乌龙，觉得几清新同埋茶浓！今次就试咗芝士四季春价钱方面，一般，不过呢期茶类饮品甚多，都几高质，所以开始觉得有少少贵！店舖服务都几快，可能冇人排队，所以即刻整俾我， 1分钟都唔使就拎得！佢嘅芝士比例系大概4分之1, 唔算好多芝士～ 我尝试倾斜45度饮，不过杯嘅设计令我好难饮到茶，净系饮到芝士，所以我决定用饮管算～ 佢嘅四季春唔系想像中果只味～ 唔算浓，所以好淡茶味，又唔算好清～ 配合芝士唔系整得好夹 所以觉得自己有少少拣错咗～ 都系芝士桂花乌龙比较好味