泰COOL (鴻圖道) (已結業)

上堂前同朋友食饭倾偈，朋友建议此餐厅因为之前来过一次，感觉唔错。装修简约新潮，只睇装修一啲都唔似泰国餐厅，座位设计似西式餐厅，开放式厨房，窗边都几开阳喺度附近嘅工厂景色。香叶爆炒肉碎伴生菜包，生菜需另加$10，但生菜真系几新鲜爽脆，碎肉落咗九层塔去炒，味道配搭唔错炒嘅火候亦好，肉碎底唔会油淋淋肥腻，几干身，份量合理。细串烧拼盘，有齐鸡肉、牛肉，猪肉同猪颈肉，串烧酱汁有水准，其中一款酸甜酱，令一个系沙茶酱，鸡肉厚身好juicy 。冬阴功鸡肉炒河粉，辣度只系BB辣，醒胃，河粉唔会炒到碎湿湿，排得几整齐，炒得干身，食完河粉后个碟底部都唔会觉得油淋淋，水准之作。