魔膳廚房 (已結業)

收工后同好朋友揾个地方聚一聚，今晚就嚟到位于观塘APM旁行, 行2分钟就到嘅魔膳工房。餐厅环境非常宽敞，今日比较早到，人未算好多，静静地倾计就啱晒喇。晚餐有丰富自助沙律，女生最爱。跟餐有红汤 & 白汤。红汤味浓，但唔太酸，啱晒我口味。白汤带香浓菇味，朋友就最钟意。大虾、青口、鱿鱼等海鲜，全部又新鲜又嫩口，大虾经过烤焗，仲特别有风味， 意粉配上浓郁龙虾汁，朋友同我都食到停唔到口。原只猪手火候刚好，一刀切下十分容易切开，猪皮充满骨胶原，当然要多吃，跟上黑椒汁 & 酸菜, 特别滋味。虽然猪手份量好大，仲附有薯角，但转眼就被我地清盘。唔觉唔觉...两个女仔清晒枱，朋友饱到要叫返杯伯爵茶解一解，我就试咗呢杯荔枝玫瑰梳打。今晚倾计连食饭，前后坐足二个小时，大满足呀。