Cobber Coffee and Tonys Pastry (裝修中)

Cobber一向人气爆棚，我同朋友六点左右到，啱啱好唔洗排队，再过十几分钟门口已经出现人龙😂，食物质素都算唔错，甜品一如既往出色❣️马苏里拉芝士焗薯蓉带子薯蓉好够creamy，口感软绵绵，入口有香浓芝士味，带子都几鲜甜❣️明太子忌廉大虾炖饭唔好睇佢其貌不扬，味道真系唔错架🤣炖饭充满明太子既咸香，忍唔住一啖接一啖好足料，有好多大虾，爽口弹牙❣️西京白味增豚肉忌廉意粉fusion口味，意粉意外地同白味增好夹！加埋豚肉洋葱等配料，味道都几丰富，但意粉略嫌太硬身❣️咸蛋黄鸡翼上台已经觉得佢好邪恶，鸡翼上面铺满咸蛋黄，略嫌太油腻同埋重口味，就算拨开啲咸蛋黄酱，鸡翼都仲渗紧油❣️义大利芝士熔岩❣️开心果酱舒乎厘个人认为Cobber最好食既都系甜品，tiramisu真系好好味，熔岩视觉效果满分，我都净系挂住拍片唔记得影相😂咖啡味浓郁得黎唔会苦涩，蛋糕口感湿润，熔岩忌廉creamy得黎唔会腻，非常出色。舒乎厘满满空气感，食落轻盈软绵，好似喺口里面融化左咁🥹蛋香同埋开心果酱几夹，加埋士多啤梨脆脆，口感即刻丰富左！