芋圓控

营业中

休息中

观塘有好多买芋圆嘅地方，但系好食嘅芋圆真系好难揾！由佢哋喺旧铺𠮶阵时，我已经透过我个friend得知呢芋圆好出名好好食！依家佢哋仲越做越大搬埋新铺，仲有座位堂食添！其实芋圆嘅质感真系好难控制得好㗎，太多粉又会太硬，唔够粉呢又会腍啤啤冇口感。但系呢间小店嘅芋圆口感控制得好好，系烟靭得来唔会过硬！而且有唔同味嘅芋圆，仲会食到食材原来嘅味道，真系真材实料！佢哋有唔同嘅套餐提供选择；亦可以自行选择配搭，拣你自己钟意嘅配料同口味。我通常都系会自行配搭拣返自己钟意嘅配料同汤底，佢哋嘅椰奶底同椰子冻真系好浓郁，钟意椰子味既人千祈唔好错过！仲有佢哋嘅芋泥同密芋头都好好食架，绵密得来带少少甜，仲有好浓郁嘅芋头香味！如果你哋自己配搭真系唔好唔收呢几样！！