Private K (已搬遷) 新店位置

其实之前都写过多次，观塘工厦区揾嘢食真喺越嚟越方便，适合工作繁忙嘅观塘人！今日难得得闲，又约到靓女朋友一齐食饭，所以要揾舒适嘅地方好好闲过一吓 Lunch时间！经食友介绍之下，揾到依间特色私房菜！依到环境装潢简单整洁，充满屋企感觉！有长长嘅 sofu 同特大电视，提供俾夜晚包场嘅客人作唱K或打机之用！而门口同墙上都挂满艺术油画，可见老板非常有艺术细胞！（最少我冇啰！）原来依到嘅老板由外国返嚟！虽然冇正式学过厨，但由于外国生活多年，凡事都要自给自足，为咗要照顾好自己日常三餐，同唔同国家嘅朋友交换煮嘢食嘅心德同学问，慢慢精通哂中英日泰多种菜式，对烹饪有独特嘅见解同深入嘅认识！讲返正题先，原来依到嘅lunch 可以俾客人自由选择配答！近来钟意食日本料理嘅我，叫咗《熊本和牛粒配日式富士苹果咖哩》跟饭！依个和牛粒真喺几好食，入口即熔，都好有牛味！个咖哩汁都跟足日式咖哩做法，比较甜身同香！喺白饭加上香草，特别吸引！我靓女朋友钟意食西餐，又要健康，所以叫咗《烟三文鱼配鲜菠菜汁》跟长通粉！其实第一眼望落去，我以为喺三文鱼沙津，因为实在太多菠菜汁！但睇清楚喺长通粉！卖相精致唔在讲，但味道方面真喺好好食！