漁吉海鮮丼專門店 (已結業)

觀塘人必定要認識既魚生店，「漁吉海鮮丼專門店」。店舖位於毅力工業中心8樓，平時真係未必留意到，但試過就知係好野! 有堂食亦有外賣，設有小型水吧，自助沖茶。今次就叫左海鮮丼外賣。「北海帆立海老丼」，帆立貝再加蝦有三款，分別係牡丹蝦、赤蝦同甜蝦，款款都大大隻又超鮮甜！肉質彈牙之外，配埋日本珍珠米飯真係非常美味。「北海帆立丼」，帆立貝、海膽、三文魚籽，海膽味道甘甜，質感細膩，幾乎入口即溶! 帆立貝鮮甜肥美，三文魚籽粒粒大大粒晶瑩剔透，每啖都有豐富層次口感，配埋豉油同wasabi ，確實好正。呢度既食材高質新鮮，份量夠大，好味到兩個人食左15分鐘就清晒大大碗丼飯，鍾意食魚生壽司既人一定要試下!