丼瀛 (已結業)

丼瀛-绝对系观塘人气💛店，今日同朋友去开apm ，当然要去帮衬佢，系apm 港茂中心𠮶出口行5分钟内到。其实之前都叫过佢哋嘅外卖，外卖好抵食，放lunch放工都啱。今日朋友同我就叫两份lunch set, 两款海鲜丼饭🍱。Lunch set 除咗有海鲜丼饭，仲包咗面豉汤🥣、沙津🥗、茶碗蒸🥚同餐饮🥤，好丰富！松叶蟹肉甲罗烧蟹膏丼 $128呢个丼饭劲多料，好啱钟意食蟹嘅人🦀。佢除咗有甲罗烧，仲有蟹肉、蟹柳、蟹钳同蟹籽。甲罗烧略为经过火烧，烧得香喷喷，如果再烧耐啲，一定可以再香啲。蟹膏填满晒成个蟹盖，捞饭食好正！蟹肉新鲜，啖啖肉，真系好满足😋。连埋脆卜卜蟹籽食，层次感更丰富。海之幸丼 $148丼饭总共有6款刺身(三文鱼、赤身、油甘鱼、赤虾、三文鱼籽同蟹肉)，乜都有啲，啱晒心大心细有选择困难嘅家姐。三文鱼肥美；赤身富有吞拿鱼味，无筋；赤虾几大只😆；三文鱼籽无腥味，对得住价钱。另外，丼饭本身捞咗饭素，饭量亦好多，食得好饱。茶碗蒸茶碗蒸细细碗，内面有鸡肉、鸣门卷🍥同白果做馅料。茶碗蒸啲蛋好滑身亦够味，不错😜。整体而言，丼瀛食物性价比算高，午餐款式又多，无论生定熟都有好多选择，外卖仲有超值优惠，大家