牛站(駅)麻辣火鍋放題

营业中

休息中

每个月都要同观塘同事食饭，同事一早book定咗牛站，今晚又要打边炉啦。香浓番茄猪骨汤底，新推出的花胶鸡汤底晤错，不过同事晤食鸡，唯有下次再试。汤底落咗大量番茄同牛骨煲制，好重番茄味道，饮落好清甜。椰子水同埋荔枝饮品，虽然清酒任饮，不过我地都钟意饮果汁。if椰子水出面都要15一只，饮多几支都回本啦。美国安格斯牛板腱，除咗SRF美国极黑牛必食，牛板腱都推荐。牛板腱肉质紧实，好重牛味。猪腩肉好似好肥，食落弹牙爽口晤会觉得滞。麻辣小龙虾同烧乳鸽皇都晤错，小龙虾麻辣鲜香，乳鸽皮脆肉嫩。台湾心里美萝卜同鹌鹑蛋，火锅配料劲丰富。心里美萝卜晤会有普通萝卜臭味，食落脆口鲜甜。鹌鹑蛋嗦晒番茄汤底味道，好好味。甜品，甜品柜台选择好多，有生果，蛋糕同雪糕。焦糖布丁入口即化，奥利奥蛋糕杯香甜幼滑，哈根达斯食有数款可以选，今次食咗几杯tim。