錦麗 (創紀之城五期(apm))

营业中

休息中

香港地但凡商场新食店开张，例必现人龙。今日我都嚟排返阵队，试试佢哋嘅越南生牛肉粉。生牛肉未见出色，有啲牛膻味但系牛肉味唔突出，汤底清淡，河粉中规中矩。牛丸爽弹，确系不同于急冻货，可惜某一粒都系有啲牛膻味，牛肉味唔突出。一碗粉只搭配一杯份量极少嘅菜，而且以芽菜为主。相对于响越南大把大把任食嘅金不换，显得小器。等咗成40分钟先炸起嘅鸡翼，望落好多蒜香牛油，但系蒜味同牛油味都好淡，咬落疑似未腌够，鸡肉冇乜味。成碟鸡翼就只得「松脆」二字。足料唔错，清爽凉浸浸，又唔会太甜。姜味恰到好处，冇泥味，薏米味浓郁。埋单自己拎单出去柜面畀钱。附上餐牌方便大家参考。