Lagom Kaffe (已結業)

周末约咗朋友见面，都系拣去cafe食野倾下计。之前都知呢间cafe人气好高，12点去到仲可以直接入座，大概到1点钟左右就见到已经坐满。睇完menu就可以直接网上落单，操作好方便。台北炖牛肉意粉 $98一上枱见到外形上唔系咁吸引，期望都唔太高。食落反而觉得好好味，完全想像唔到中西结合嘅煮法可以咁夹，酱汁仲带有少许麻辣味。牛肉分量都唔少，而且仲有啲牛肉碎可以捞埋一齐食。奶油花雕酒炖鸡意粉 $98呢个意粉偏软身，而且比较多汁，味道较为偏淡。鸡件好嫩滑，食落会有淡淡嘅酒香味。炸鱼薯条 $88炸鱼薯条分量唔少，炸鱼只有薄薄一层炸粉，薯条点埋辣辣嘅千岛酱食，都几惹味。莓莓乳酪燕麦奶摇 $48燕麦奶摇都几特别，味道酸酸甜甜，表面会有埋士多啤梨做点缀。总括嚟讲，环境舒服，食物都好食。只不过食完店员即刻收盘就会有啲心理负担，感觉要即刻交枱。