Cobber Coffee and Tonys Pastry (裝修中)

我一直都好想嚟试吓呢一间长期位于观塘区OpenRice人气之选嘅餐厅，但系因为呢间餐厅唔可以book位，所以一路都有少少Hesitate好唔好嚟食，因为知道一定唔会等好耐位。适逢今日早收工，于是就嚟咗呢度攞咗位先，顺便等埋朋友。虽然我6:00左右已经嚟到，但系攞完飞都等咗差唔多一个钟头先可以入去，天气咁热，而且𠮶度等位嘅位置非常之细，如果想要凉冷气就一定要迫入去佢间房仔，所以呢个钟真系挨得好辛苦。不过佢食物嘅质素都真系冇令我失望，我叫咗一个青酱既饭，另外再叫咗佢嘅伯爵茶pancake。首先讲吓佢个主菜青酱嘅饭，佢嘅调味调得非常之好，唔会太咸，亦都唔会食落去觉得好肥腻，非常惊喜。其次，佢嘅伯爵茶pancake，另外仲有柑做生果摆喺面，层次好分明，而且pancake嘅蛋味非常之香浓，再加上伯爵茶酱，令到成个甜品食落非常香。