影片
更多
2021-06-21
45 浏览
喺OPC做完运动，然后就落咗去食饭，呢座大厦越开越多好嘢食，今日就去咗食呢间火锅店，真味仙厨，主打任饮任食海鲜火锅，唔讲唔知原来呢间餐厅系海港集团旗下嘅，所以同样都有好多新鲜嘅靓海鲜。一开始先拣选好要肉蟹定龙虾海鲜拼盘，拼肉蟹价钱$238 ，如果拼波士顿龙虾$268。然后就开始任饮任食五部曲，先黎五款食材每位一份，而汽水啤酒亦是任饮，亦有自家制嘅薏米水和竹蔗茅根。先上一个刺身拼盘，刺身每人一份，有三文鱼，鲍鱼，带子，北寄贝，希灵鱼和墨鱼，每样都非常新鲜，三文鱼同带子亦非常肥美。鸡煲系任食嘅，香香辣辣嘅鸡煲非常开胃，酱汁带有埋麻香味，辣度啱啱好，鸡肉非常入味，肉质结实弹牙，我哋食咗两煲。食完鸡煲之后就会开始打边炉，值得一赞嘅系呢度打边炉系会重新上一个汤底，唔似坊间食完鸡煲后用清汤加入鸡煲内。汤底有三款可以选择，瑶柱冬瓜锅，皮蛋芫荽锅或麻辣汤。我哋点左瑶柱冬瓜锅，汤底好有诚意，汤头内有多粒原粒瑶柱，汤头味道清甜。波士顿龙虾海鲜拼盘，海鲜拼盘系根据当日嘅时令海鲜而配搭，今日有龙虾，虾，贵妃蚌，花甲，龙趸，白鳝，美国筒𧐢等。波士顿龙虾每人半只，非常大只，肉质饱满有鲜味，食落啖啖肉爽口弹牙，加上
一开始先拣选好要肉蟹定龙虾海鲜拼盘，拼肉蟹价钱$238 ，如果拼波士顿龙虾$268。
然后就开始任饮任食五部曲，先黎五款食材每位一份，而汽水啤酒亦是任饮，亦有自家制嘅薏米水和竹蔗茅根。
先上一个刺身拼盘，刺身每人一份，有三文鱼，鲍鱼，带子，北寄贝，希灵鱼和墨鱼，每样都非常新鲜，三文鱼同带子亦非常肥美。
鸡煲系任食嘅，香香辣辣嘅鸡煲非常开胃，酱汁带有埋麻香味，辣度啱啱好，鸡肉非常入味，肉质结实弹牙，我哋食咗两煲。
食完鸡煲之后就会开始打边炉，值得一赞嘅系呢度打边炉系会重新上一个汤底，唔似坊间食完鸡煲后用清汤加入鸡煲内。
汤底有三款可以选择，瑶柱冬瓜锅，皮蛋芫荽锅或麻辣汤。我哋点左瑶柱冬瓜锅，汤底好有诚意，汤头内有多粒原粒瑶柱，汤头味道清甜。
波士顿龙虾海鲜拼盘，海鲜拼盘系根据当日嘅时令海鲜而配搭，今日有龙虾，虾，贵妃蚌，花甲，龙趸，白鳝，美国筒𧐢等。
波士顿龙虾每人半只，非常大只，肉质饱满有鲜味，食落啖啖肉爽口弹牙，加上甘香嘅龙虾膏令人回味无穷。而其他海鲜味道亦不错，尤其喜爱龙趸，肥美滑嫩。
每人仲有一份特级安格斯肥牛，肉和脂肪嘅比例大概系6:4，质感唔错，有少少咬口，唔会太油腻，带有浓郁嘅牛味。
另外每人仲有一只特大水饺，可以称得上系皮薄馅靓，水饺内嘅虾非常多，另一个系韭菜饺，大大只亦都做得唔错。
其他任食配料亦应有尽有，非常丰富，有蔬菜，粟米，萝卜，午餐肉，炸鱼皮和响铃。
如果系食肉兽，任食配料中亦有美国肥牛和黑豚肉可以选择，质素当然没有安格斯肥牛那么好，但雪花纹路还是不错的。
另外，白鳝片和广岛蚝亦可以任食，真心唔错。
整体来说，食物选择多元化，用料新鲜，8:15 后入座仲有八折优惠， CP值高。张贴
