季稻 (已結業)

今日想揾间观塘企理少少嘅泰国嘢食🇹🇭点知俾我揾到间新开无耐嘅 季稻🎑六点几就去咗食晚饭，一入到去已经好多人😳睇落几好生意，应该嘢食唔差嘅😛落完单冇耐就已经上咗饮品，饮住等嘢食🍻今日三个人食叫得有啲多，串烧、炸虾饼、咖喱蟹（必食！）、菠萝鸡粒炒饭、马拉盏炒通菜、仲有我至爱嘅芒果糯米饭同椰汁西米糕🍽️先上咗串烧同炸虾饼，开下胃🤣三个人食份量啱啱好，每样每人食到两至三件✌🏻炸虾饼🍤都几出色，肯定啲油唔系千年油，完全冇油益味同炸㶶！个酱汁都唔系杰挞挞𠮶啲，好感动🥲再嚟食咗个马拉盏通菜同菠萝鸡粒炒饭先🍚通菜份量唔算多，但系都几惹味🌶️（我叫咗小辣，刚刚好）；菠萝鸡粒炒饭🍍正常发挥，要赞吓啲肉松俾得好多😄主角嚟啦！🦀咖喱炒蟹配薄饼💕充满期待！卖相都几好，泰式咖喱独有嘅蛋香真系好啱配薄饼😌蟹肉结实，又入味！满足晒我嘅期望🎇甜品竟然有惊喜‼️未有假去旅行✈️芒果糯米饭同椰汁西米糕系用嚟满足我对泰国嘅思念😂点知！佢啲饭竟然系仲热架！！系新鲜嘅糯米饭！！！完全意料之外❤️本身都食到饱饱哋，但都一定要食晒佢😛椰汁西米糕嘅椰香味好浓郁🥥钟意椰子嘅你绝对唔可以错过！总括嚟讲，呢餐饭真系好满足！原来间舖头老板系泰国老公🇹🇭