鴻圖樓

营业中

休息中

啱啱同朋友去完韓國旅行，好耐冇食中菜，老公同我去了觀塘呢間外型古色古香的酒樓食飯，看來幾有歷史。經理介紹了3款小菜，小菜非常唔錯。臘味炒豆苗豆苗好嫩，爽口冇渣，臘肉粒、臘腸粒及潤腸粒鋪滿豆苗之上，好邪惡，但真係超甘香，豆苗吸入臘味的油香。香芋南瓜煲 芋頭同南瓜大細同軟硬適中，食落好粉，夠哂熱度，個煲既汁用來佐飯都好合適，再加入冬菇同芹菜，成個煲好香。湘式辣子雞炸粉薄，雞肉連皮炸得好香脆，調味足，夠哂香辣，又充滿蒜香。唔會太油，雞粒細粒食落好滋味。酒樓三樓原來有麻雀打，d人打完或中場休息食完再打，好熱鬧。酒樓亦都有好多唔係打牌嘅客，經理好熱情介紹同我地傾偈，好有舊式酒樓傳統文化，好有人情味。