歇腳亭 (福昌大廈)

营业中

休息中

间中会嚟到观塘区工作, 有时食完lunch都想买下台式饮品边饮边做嘢. 而我就冇咩特别话钟情边间台式饮品店, 因为每间嘅味道落差都唔会太大, 最紧要位置够就脚. 歇脚亭饮品款式都仲有唔少系十几蚊就买到1杯, 算抵饮.冻炭烧咖啡加芝士奶盖 ($27), 之前饮过好几次都系热嘅, 今次失误咗唔记得讲热定冻, 咁不妨试下冻啦.过往饮热系最先叹到顶层嘅芝士奶盖, 再夹有浓浓炭烧咖啡香. 而冻嘅要用饮筒饮, 变咗先品尝到咖啡味再隐隐带出些微芝士奶盖香, 所以都系热嘅最好饮!呢度观塘分店新开仲送咗一张Coupon Leaflet, 分别可以喺今个月凡买任何一杯减$3, 咁又多个理由再帮衬啰~