魔膳廚房 (已結業)

普遍的酒店自助餐晚市都要至少$500，有生蚝等海鲜就十分分钟七至八百元，因为我同屋企人都唔食生野，朋友就介绍了我去观塘这间西餐自助餐，晚餐$238，除了无生野，其他都同酒店食物类同，但价钱便宜一半有多。餐汤都有两款，罗宋及周打鱼汤。沙律款式甚多，沙律菜新鲜，杂果沙律香甜，长通粉酱汁美味。莎乐美肠及风干肠都不会太咸。热食方面有斧头扒、德国肠、咸猪手、猪肋条、烧鸡翼，肉类款式甚多，应有尽有，斧头肉烧至表面焦香，肉质嫩腍又有肉汁，咸猪手就比较一般，外面不够香脆，但都不会太咸，猪肋条又腍又入味。每枱还送上海鲜拼盘，以番茄忌廉汁煮成，有鲍鱼、青口、蚬及扇贝，下面还有些蔬菜垫底，海鲜虽不算鲜甜，但一盘在外面西餐厅食都要五百元，所以真是超值。最后唔少得就系甜品，有十多款，芝士蛋糕、杂果挞、新鲜爆谷、自己制作的绵花糖，有得食又有得玩，啱哂小朋友。