影片
更多
2019-10-16
68 浏览
好钟意去观塘觅食，贪佢选择够多之余价钱又唔系好贵，但就已经可以食到好多好高质嘅餐厅。今次呢一间占地好大，骤眼睇都有百几200个座位。而且一入到去侍应嘅服务好贴心，会主动行埋你问你哋需要啲乜嘢，加咗好多分🔥佢每晚都有一个set menu，而且逢星期一三夜晚六点后单点主菜仲有买一送一！北海道带子面包蟹皇阔条面伴压缩俄罗斯鱼子酱套餐 ($258)套餐入面包括巴马火腿杨桃沙律、韩式泡菜酱火炙澳洲蓝鲍鱼、餐汤、主菜、甜品及餐饮。净系听到咁多野都已经知道好抵食！首先要大赞跟餐汤送上嘅面包🥖，超软熟又热辣辣，我食咗类似五谷面包，令一个面包系微粒蕃茄面包，劲好味🥰餐汤🍲好浓郁，口感好厚，食到薯仔粗粒🥔，真系好足料。杨桃放入沙律入面都系第一次见！但估唔到味道出奇地夹，甜甜酸酸咁再加埋巴马火腿，口感有层次，多重味觉享受。鲍鱼又系另一个惊喜位，传统中式鲍鱼食得多，西式煮法真系第一次试，仲要加埋韩式泡菜，泡菜嘅香味同埋微辣同平时食开嘅果皮蒸鲍鱼完全唔同感觉，鲍鱼仲要好滑好容易咬开🤤轮到主菜带子阔条面配鱼子酱，带子系XL size，仲要煎香左两边，意粉里面落左好多芝士，仲要重忌廉，邪恶得来又令人欲罢不能。意粉略
好钟意去观塘觅食，贪佢选择够多之余价钱又唔系好贵，但就已经可以食到好多好高质嘅餐厅。今次呢一间占地好大，骤眼睇都有百几200个座位。而且一入到去侍应嘅服务好贴心，会主动行埋你问你哋需要啲乜嘢，加咗好多分🔥佢每晚都有一个set menu，而且逢星期一三夜晚六点后单点主菜仲有买一送一！
北海道带子面包蟹皇阔条面伴压缩俄罗斯鱼子酱套餐 ($258)
套餐入面包括巴马火腿杨桃沙律、韩式泡菜酱火炙澳洲蓝鲍鱼、餐汤、主菜、甜品及餐饮。净系听到咁多野都已经知道好抵食！
首先要大赞跟餐汤送上嘅面包🥖，超软熟又热辣辣，我食咗类似五谷面包，令一个面包系微粒蕃茄面包，劲好味🥰餐汤🍲好浓郁，口感好厚，食到薯仔粗粒🥔，真系好足料。
杨桃放入沙律入面都系第一次见！但估唔到味道出奇地夹，甜甜酸酸咁再加埋巴马火腿，口感有层次，多重味觉享受。
鲍鱼又系另一个惊喜位，传统中式鲍鱼食得多，西式煮法真系第一次试，仲要加埋韩式泡菜，泡菜嘅香味同埋微辣同平时食开嘅果皮蒸鲍鱼完全唔同感觉，鲍鱼仲要好滑好容易咬开🤤
轮到主菜带子阔条面配鱼子酱，带子系XL size，仲要煎香左两边，意粉里面落左好多芝士，仲要重忌廉，邪恶得来又令人欲罢不能。意粉略嫌硬左少少，如果可以渌多一阵就更完美！
火山石烧澳洲M6和牛牛腹扒配意大利香芹酱 ($328)
再试埋另一个套餐，无牛不欢嘅我当然例牌都要食牛肉。上碟嘅时候有牛腹扒系长身一条既形状。顺带一提每道菜上碟嘅时候都好似艺术品咁，摆设好精致！讲返牛扒本身好淋，叫咗五成熟真系冇煮过头。外面先到微脆，入面仲系半生熟嘅状态，但系又唔会有血水流出嚟！牛扒嘅位置好靓，唔会有一大条根黐住喺度咬到痴晒牙💕牛肉味好重，但又唔系苏味，肉汁好丰富，咬落去嘅时候食得出肉好鲜甜🥰
最后仲食埋个甜品，系一个好滑身嘅奶冻，唔会太甜，又有淡淡嘅奶香味🍮最后再叫埋一杯热茶真系好圆满🍵
张贴
