Centre de Vin by Nexus (已結業)

呢排日日OT，想食餐好少少嘅都唔得，晚晚都系食茶记，搞到个人心理好唔平衡，决定今晚要食餐好嘅(虽然食完都要返公司做野)，经朋友推荐，决定去鸿图中心9楼嘅Centre de Vin一入到门口已经好有惊喜，因为无谂过观塘区竟然有一间餐厅嘅装修可以敢靓敢Grand~不过话分两头，作为餐厅，最重要都系食物质素，如果啲嘢唔好食 装修几靓都系假，所以事不宜迟，马上入去嗌嘢食首先我几左个法式龙虾海鲜汤及Home made 墨鱼汁pasta，当个汤一嚟到放落枱面，我就知道对办了， 暗橙红色嘅汤配撘浓郁至极嘅香味，完全系视觉与嗅觉嘅一场盛宴，饮一啖汤落口，你会感受到龙虾嘅鲜味混合埋番茄嘅爽甜再加上其他配料，令到我个人呢几日嘅疲累有种一扫而空嘅感觉!品尝完汤后，好快就到墨鱼汁pasta，自家制嘅意粉，完全颠覆左我以住对意粉嘅感觉，我无谂过会用「弹牙」呢两个字黎形容意粉，一个特别嘅口感再加上微微嘅辣味，简直系味觉大爆炸，令我忍唔住再叫多一碟黎食。总括嚟讲，呢间餐厅不论装修、服务、食品质素等都属于顶尖水平，我下次一定会再返黎试下其他嘅食物，例如扒类等等😍😍😍😍我相信Centre de vin将会成为我嘅饭堂