古今二 (觀塘工業中心)

营业中

休息中

嚟到观塘地铁站附近嘅 古今二，系铁路站行过嚟几分钟就到，位置方便。我哋啱啱好赶系繁忙时间前入座，坐低之后就开始愈嚟愈多人啦。店内墙身有特色嘅壁画，仲有食物推介，除咗特色卷身之外，仲有唔同嘅寿司🍣、锅物、串烧、沙律、天妇罗🍤等等。✨金龙卷三文鱼质感嫩滑，油香十足，配上炸虾同芝士，口感丰富。✨日式麻酱豆腐沙律🥗沙律份量足料，铺满蟹籽同三文鱼籽，滑嫩嘅豆腐，仲有新鲜嘅沙律菜，加上胡麻酱，味道美味脆口。✨宫崎黄金炸豆腐炸完嘅豆腐外酥内软，忍唔住系咁食呀，不过食嘅时候要小心热呀～✨芝麻鸡翼鸡翼香脆可口，外皮炸到金黄酥脆，咬开仲有满满嘅肉汁同嫩滑嘅鸡肉。✨日式冷面夏天热辣辣，食冷面就啱晒啦！配料有蟹柳丝、蕃茄、鸡蛋等等，面条弹牙，清爽开胃。