龍鳳號 (裝修中)

一人饭面套餐 $78古早味卤肉饭 🍚大大碗嘅卤肉饭，卤肉肥美，有一种去咗台北西门町嘅感觉。烫青菜🥬跟餐有呢个新鲜嘅青菜，健康之选。粒粒椰汁芒果🥭露 加 $4 （跟餐）非常之抵赞嘅芒果露，粒粒芒果又甜又好食，饮落去似杨枝甘露味道，椰汁同埋鲜奶𠮶种厚重感，有一种夏日清新风味。盐酥菇 $48呢款鸡髀菇整嘅盐酥菇，大大份，外脆内软，有紫苏叶同埋蒜蓉一齐油炸，再加上椒盐特别惹味。手工红豆绵绵冰 加 $6 （跟餐）份量啱啱好，唔会太多。上面啲红豆有种食紧日本宇治红豆嘅感觉，甜甜地，搭配着非常之柔软嘅绵绵冰，中间有炼奶嘅味道。紫芋手工麻糬丸子 🍡 $48外表晶莹剔透，入边有啲麻糬同埋紫薯，非常之烟靭。搭配咗一小碟芋泥，仲有紫薯薄脆，可以淋上去食有唔同嘅风味。龙凤珍珠奶茶刨冰 $66食到最后居然有惊喜，呢只用珍珠奶茶做特色嘅绵绵冰，外层好厚重嘅焦糖牛油忌廉，呢个时候倒珍珠，珍珠会因为牛油忌廉太过滑溜，全部都跣晒落去。但系你用匙羹一笔，呢三种配料就会（珍珠、焦糖牛油忌廉，同埋珍珠奶茶绵绵冰🍧）一次过喺个匙羹上面，入口即溶，一试难忘。非常值得推介。