Bella Shine (已結業)

出观塘逛逛大商场，仲有骆驼漆小店，lunch time揾嘢食。楼上工厦食店《Bella Shine》平日会有semi buffet，任食沙律吧、餐汤、甜品新鲜水菓，最喜欢有superfood羽衣甘蓝，好有益又健康嘅新鲜蔬菜。阿女拣咗个乌冬我食汉堡，主菜拣自己喜欢，有海胆炒韩式年糕、黑松露意粉、猪扒定食、鸡扒汉堡等等。日式叉烧拼烟鸭胸猪骨汤乌冬~大大件日式叉烧，仲有几件鸭胸，汤底做得唔错，乌冬都够爽口。美式BBQ酱烤鸡扒汉堡~卖相好靓，食落美味，采用黑面包更有特式，韩式酱汁鸡扒大大件，薯条新鲜炸起，小心烫口。甜品-泡芙&芝士饼~食饱饱，加两件甜品叫杯咖啡，一乐也。