丼瀛 (已結業)

呢间观塘嘅日本餐厅搬咗去新地方🇯🇵，地方更大，环境更靓，重点系够黄💛，我同朋友特意放工过嚟食。虽然位于一个唔太起眼嘅位置，但去到已经座无虚席👨‍👩‍👧‍👦。 🍱大葱黑豚肉 $28 🧈明太子酱玉子烧 $26 🍙天龙卷（四件） $98 🌮碎葱吞拿鱼腩海胆卷（四件） $78 🍨筑地寿司杯 $188 🍘忌廉蟹肉薯饼（两件） $36 呢几款都好好味，造型都独具风格，几啱打卡。我哋觉得玉子烧系最滋味，蛋味香浓。薯饼入面啲蟹肉软绵绵好正😋。 寿司杯其实都系寿司，不过旧饭用杯装，份量大啲。一set有厚切三文鱼腩、吞拿鱼葱花腩、黄金墨鱼、松叶蟹、赤牡丹虾、海胆，十分丰富😃。 至于天龙卷其实系炸大虾配赤烧三文鱼加鱼籽寿司卷🍤，唔好睇佢即系得四件，都几有份量又惹味。份量啱啱好，总计两个人都系$499算抵食👌。 墙上贴上文宣，门口仲有即日苹果日报🍎，而且摆满好多不同类型嘅文宣摆设，poster同post card，黄得实至名归。 最正系佢有几个大电视播着唔同嘅抗争歌🎼，包括Do You Hear the People Sing以及愿荣光归香港，仲有唔同嘅version，出动埋古筝、大提琴等乐器🎻。