食咩鮮

营业中

休息中

星期六喺观塘做完Facial，见外卖App有优惠券就到期，所以就顺便买埋嘢食先返屋企🏡。我预早落定单嗌「食咩鲜」，去到就啱啱好有得拎。原来餐厅又系近嚟好流行𠮶种云端厨房📲，网上平台价平过即场买。外卖包装企理，焗嘢用锡纸兜同纸盒装住，所以保温效果甚佳👍🔥。包装盒上面贴咗贴纸，以兹识别款式。辣辣浓咖喱焗猪扒饭，🍛咖喱焗猪扒饭好出色，咖喱味香浓，佢系偏向港式风味，辣度都算明显，但易入口。同时，佢加入咗芝士🧀，进一步提升咸香。咖喱汁配饭食一流，米饭软硬度同湿度适中🍚。猪扒大大件，肉质软腍，并无用松肉粉腌到过晒火🐷。绵香沙嗲牛柳焗意粉，沙嗲汁口味大众化🇭🇰，似茶餐厅嘅沙嗲牛。牛柳粒出奇地有水准，份量多，大大粒似牛扒🥩，而且牛味都算浓郁🐮；其他配料仲包括洋葱同三色椒等。焗嘢可拣饭或意粉，🍝我略嫌意粉质感稍淋，加上多汁，我比较推介配饭。估唔到杯冻奶茶都唔错🥤，奶香细滑，茶底唔苦涩，甜度符合现今嘅健康水平，就算冇嗌少甜，都唔会太甜。总括嚟讲，呢间外卖店嘅食物品质几好🥡，用料唔马虎，出品仲带有港式风情。不过餐厅暂时所提供嘅食物款式唔多，唔知迟啲会唔会多啲选择呢。