六和冰室

营业中

休息中

观塘嘅餐厅选择真系好多，今次同朋友嚟到近工厦呢边食。蒜蓉炒时蔬 $68炒白菜仔，好香口！招牌吊烳骨 $88呢道菜系餐厅嘅人推荐，话好多人嚟到必食，所以我同朋友都试下鱼香茄子煲 $70好大煲最后食唔晒🤣🤣，茄子煮得好淋好入味。胡椒猪肚鸡煲(半只) $108作为一位猪肚迷，胡椒猪肚鸡煲真系必食，猪肚爽口有嚼劲，胡椒汤底浓郁，啲鸡都好入味，因为我哋嗌咗好多小食，所以半只鸡煲都好够食。蜜椒薯仔牛柳粒 $78大份又抵食，薯仔同牛柳粒比例大约系一半一半，煮得好入味，薯仔唔会太硬刚刚好。猪油捞饭 $16有猪油同豉油可以自己加，建议趁热食，等碗饭仲热紧嘅时候淋上猪油再捞下佢😋蜜桃乳酸 $22/杯呢杯饮品系最新推出，见到宣传poster好吸引😍，即刻同朋友试下先，呢杯好抵饮，大大杯一定够饮，打边炉同食鸡煲嘅时候饮就啱晒，甜度刚刚好。