龍城冰室

营业中

休息中

环境餐厅距离地铁站约十分钟路程，但都唔难揾。餐厅舖面算大，门面十分易认，餐厅内里干净整洁，装饰仲几靓，差唔多全部都系卡位，令人坐得舒服。 食物1）蒜蓉菠菜三文鱼意粉 $63（评分：8/10）意粉的菠菜比想像中多，沟意粉食令佢变得清新同健康。三文鱼系烟三文鱼，摆设成玫瑰花样子，卖相几靓。底下的忌廉略嫌多得济，浸晒啲意粉，虽然唔算好杰/济，但食下食下都好饱。顺带一提，意粉份量真系几多😅2）蒜蓉牛油烟肉焗青口 五只 $32（评分：7/10）蒜蓉青口几好食，青口size中规中矩，都有青口味，捞埋蒜蓉食几香口。3）综合果茶 +$18（评分：7/10）好大杯⋯ 其实饮下饮下都真系几饱。饮落下少少甜，依个天气饮略嫌冻左少少。有好多生果粒系入面，果茶仲有果肉，不过果茶饮落去似橙汁，唔太饮到茶味。 服务餐厅服务正正常常，店员都有礼貌。等食物时间大概10分钟。