小城大廚

营业中

休息中

观塘依间「小城大厨」除咗有唔同嘅镬气小炒之外，仲有川菜、串烧等等，嚟到嘅时候已经座无虚席，可见真系唔少人嘅饭堂，最重要系无收加一服务费，而且食物份量多，餐饭最后都有少少食唔晒。金汤酸菜肥牛片（单点$128），表面铺满芝麻、辣椒、芫荽，肥牛肉质嫩滑，牛味浓厚，好足料，配料包括有莴荀、莲藕、淮山、芽菜、酸菜、木耳、宽粉，汤底味道酸辣，好适合汤捞饭。蒜蓉粉丝蒸蛏子（两只$96），表面铺有芫荽、香葱、指天椒、粉丝，蛏子肉质肥美，味道鲜甜。椒盐茄子（单点$78），份量多，表面铺满炸蒜，茄子口感外酥脆内软腍，食落好Juicy，味道惹味。蒜蓉烤帆立贝（两只$36），表面铺有蒜蓉、指天椒，帆立贝食落有鲜味，带有牛油香味。丝苗白饭（两碗$24），口感软硬适中。小食（单点$10），香醋青瓜，口感爽脆，味道酸溜。小食（单点$10），凉拌木耳，表面铺有蒜蓉、芫荽，口感爽口，味道酸甜。茶芥（两位$16），茶味浓香。