鳥棲日本料理 (已結業)

观塘骆驼漆大厦又多嘢买又多好嘢食。今日就去咗三座5楼，依一间好受食客欢迎嘅鸟栖日本料理食晚饭。餐厅环境舒适，座位都好宽落。食物方面，选择都十分之多元化，而且价钱相宜，难怪咁多捧场客啦。韩风牛舌：睇落碟仔细细，其实份量都几多。牛舌配上独特酱汁，作为前菜小食，非常之惹味。双重芝士年糕：日式料理其中款钟意嘅食物就系芝士年糕。依个双重芝士年糕，面头有烧到熔咗嘅芝士，年糕入面又包住另一款芝士、一咬就流出嚟。年糕烧到软棉棉，加埋两种芝士带嚟嘅双重味觉冲激，好好味。大葱鸡肉稻庭乌冬：大葱味超香，配上鸡肉好夹。鸟栖所拣选嘅稻庭乌冬都好好食。牛肉他他烧：鸟栖以火炙刺身奉客，证明咗佢哋对食材嘅信心。牛肉他他油脂分布好靓配埋萝卜蓉醋汁吃，鲜香甜美、入口油香而唔腻。蓝桔富士山、绿薄荷富士山：两杯富士山主题嘅饮品、卖相一绝。当然、两杯特饮都唔只得卖相、味道亦相当出色。特饮配上云呢拿雪糕球，分开食亦得，捞匀落杯特饮亦得。