Deer Kitchen (The Wave) (已結業)

Deer Kitchen之前嚟都系食佢个靓靓打卡Tea Set，今次同大少落开观塘玩，咁就嚟就食个丰富lunch啦！餐厅环境系舒服嘅，不过今次我地又晏左嚟，坐唔到鸟笼大少系有少少失望，不过坐舒服嘅梳化位一样唔错嘅~今日我地就叫左两个Lunch Set，每个set包餐汤/沙律同蒜蓉包，而且仲可以加配添~我地就叫左一份沙律、一个烟肉薯仔忌廉餐汤，当然唔少得蒜蓉包~餐饮就嚟左杯冻柠茶，另外大少就加钱叫左杯特饮Strawberry Garden，话有士多啤梨、青柠同梳打，好饮又足够消暑~我嘅主菜就系 威灵顿鸡圈酿芝士火腿 ，我觉得系唔错嘅，威灵顿鸡圈焗出嚟唔会好鞋物，而且加埋流心芝士一齐食，好有口感。另外唔好忘记底铺嘅紫薯，滑口得嚟又够很薯香，整体系好好味~大少嘅主菜系千岛酱烧菠萝芝士牛肉汉堡配薯条，原片烧菠萝加埋大片牛肉汉堡，咬落juicy有肉汁，而汉堡仲配上番茄、生菜同芝士，食落口会太干，好啱大少口味哦~我地最后仲加配左一份蓝莓芝士蛋糕，够沟身得嚟甜度适中，食完一件都不会太腻~