小火焰韓式咖啡廳 (觀點中心) (已結業)

近疫情期间cafe 开周街都系嘅时候，偏偏个朋仔就话想食炸鸡，好彩观塘MTR近近地都有间好食嘅炸鸡韩食。-蜂蜜脆米炸鸡叫咗半份，都有4大块，分别有2块鸡锤同埋鸡胸。上枱热辣辣，要摊一阵先食到，个皮好脆，个蜜糖唔会过分甜，食啱啱好。仲有个贴心位，就系有提供即弃手套食鸡用，干净又卫生。👍🏻👍🏻👍🏻-虾蕃茄沙律，呢个估唔到都几大碟，啲菜都好新鲜而且都洗得好干净。啲虾都冇乜雪味，配埋啲酱汁，好开胃。-海鲜炒淮山面，因为好奇心淮山面系点样面质，点知出奇地好啱我胃口。好滑而且属于软身嘅面，好易唔觉唔觉就食咗好多添😂。而且啲海鲜都好多，有虾有青口又蟹子配埋翠玉瓜，好足料，口感好丰富。极推介👍🏻