The Stadium (已結業)

好少黎观塘食野，但朋友喺观塘返工，话最近开左间新餐厅，食过几次觉得唔错，所以带我黎食。7点几黎到，无咩人。餐厅位置近地铁站，行几分钟就到。一入到餐厅，面积好大，放左足球机，飞镖机，有露台可以倾下计，唔怪得知叫the stadium。第一道上枱嘅唔系沙律，系虎虾意粉$168。平时食野都唔跟次序，所以唔介意。朋友本身想食饭，但成个menu都无饭 意粉有4,5只大虎虾，肉厚爽口。扁意粉有浓郁蕃茄酱味 每次食西餐都会叫ribs$178，厨房已预先切好哂，自己唔使切得咁辛苦。Ribs烧得好juicy，唔韧。半份刚刚好。另外仲有超甜粟米一大条，取代左薯条，无咁热气。头盘沙律终于上场，平时食开Caesar salad，今次试下呢度嘅the stadium salad$98。入面有d新鲜毛花果，好甜。西柚酸酸地好开胃，松子脆卜卜好香口。成个沙律味道口感好丰富。墨西哥脆片$118有好多个酱，点cream cheese最好味，唔同颜色嘅脆片上沾了芝士，要趁热食。虽然系星期二嘅晚上，但8点几餐厅已排长龙，朋友话呢区好少有呢D特色餐厅，所以最好要订定位。两个人食左$600