影片
更多
2019-02-01
186 浏览
朋友最近极度推荐一间私房四川菜—川味港，系咁约我去试下，咁啱呢排天气又几冻想食番啲辣野，咁就不妨试下啦！餐厅位置系华成中心，系观塘比较出名嘅美食集中地，位置唔难揾，不过坏因为升降机坏左要行一层楼梯～餐厅入面好似系朋友屋企食紧野咁，气氛好家庭有亲切feel，同出面工厦环境完全唔同。老板睇落几COOL，但比想像中NICE。佢一人包办侍应同厨师，睇得出佢比足心机去经营。我选择困难症再度发作，老板见状推荐左几道菜俾我地，落完单就入厨房动工，即叫即煮。第一味菜系野山椒仙爪。白云仙爪去左骨同脚趾唔使lur，适合进食想保持仪态嘅女仔。成道菜带有酸酸味同浓烈辣味。虽然辣到有少少攻鼻，但配合仙爪同萝卜爽脆口感，一路辣住咁食，非常过瘾！下一道系巴蜀羊腩煲。食落比睇起上黎辣啲啲，但系都系接受程度内。羊腩炆到软软地，但又唔会淋到松散，口感相当好。辣味盖过左羊骚味，但羊腩本身嘅肉味仍然Keep到，配埋特制腐乳酱咸香味，好好食！煲入面仲有枝竹、冬菇同笋，渗透哂嘅辣汤加成下相当惹味。酸辣花菜都落左少量辣椒同泡椒，微酸调味加上花菜鲜甜，味道好夹好出，配合爽脆口感，清爽又刺激。最后系辣子鸡软骨，见到成个碟都系辣椒吓左一
餐厅入面好似系朋友屋企食紧野咁，气氛好家庭有亲切feel，同出面工厦环境完全唔同。老板睇落几COOL，但比想像中NICE。佢一人包办侍应同厨师，睇得出佢比足心机去经营。
我选择困难症再度发作，老板见状推荐左几道菜俾我地，落完单就入厨房动工，即叫即煮。
第一味菜系野山椒仙爪。白云仙爪去左骨同脚趾唔使lur，适合进食想保持仪态嘅女仔。成道菜带有酸酸味同浓烈辣味。虽然辣到有少少攻鼻，但配合仙爪同萝卜爽脆口感，一路辣住咁食，非常过瘾！
下一道系巴蜀羊腩煲。食落比睇起上黎辣啲啲，但系都系接受程度内。羊腩炆到软软地，但又唔会淋到松散，口感相当好。辣味盖过左羊骚味，但羊腩本身嘅肉味仍然Keep到，配埋特制腐乳酱咸香味，好好食！煲入面仲有枝竹、冬菇同笋，渗透哂嘅辣汤加成下相当惹味。
酸辣花菜都落左少量辣椒同泡椒，微酸调味加上花菜鲜甜，味道好夹好出，配合爽脆口感，清爽又刺激。
最后系辣子鸡软骨，见到成个碟都系辣椒吓左一跳，以为会辣到红都面哂，但炸完嘅辣椒辣度大减，同时带出左另一种辣香，非常特别。鸡软骨外皮酥脆，入面香脆，又香又辣，送啤酒一流。
最尾老板仲好热情咁关心下我地，问下啲野食啱唔啱食，用心去做咪呢啲啰。
野食有水准又有service，价钱又合理，十分推荐钟意食辣嘅朋友试下呢间。
张贴
