Boon (已搬遷) 新店位置

观塘工厦出名多好嘢食，今次我就嚟到位于业运工厦嘅 Boon。呢度嘅装修主要用左粉蓝色，再加左干花，有啲少女嘅感觉。不过呢度都几爆，想去食记住订位啦。🍜主食🍜蘑菇汤（跟餐）个汤黎到嘅时候微暖，有少少蘑菇碎，饮得出系自家制嘅。鲣鱼熟成封门柳配紫菜昆布牛油汁 , $168（3.5/5）听到个名完全想像唔到系咩味，又系招牌菜，就即刻叫左嚟试。呢道菜用左昆布鲣鱼作调味嘅封门柳，配搭薯蓉、椰菜花同焦糖化嘅珍珠洋葱而成。因为封门柳冇乜脂肪，一啲都唔肥腻，而且调味独特，入口除左有牛味仲有牛油海鲜味，相信真系呢度先食到。不过每块牛熟度有啲不一，我今次食到8-9成熟。甜品（苹果批，朱古力挞，各加$18）呢度苹果批系冻食嘅，食落有云呢拿味，不过我都系较钟意热嘅。朱古力挞唔算太甜，挞皮系属于较软身嘅。