影片
更多
2023-06-24
372 浏览
朋友识饮识食，每逢放假都会捐窿捐罅，发掘唔同嘅餐厅，一饱口福。这晚就由友人带路，嚟观塘工厦一尝特色西餐。餐厅装潢优雅，以黑白两色为主调，墙上挂有壁画，再配上室内嘅微蓝灯光， 环境挺有情调，充满浪漫气氛。 餐牌选项丰富，由头盘、小食、汤、意粉/意大利饭、薄饼、主菜，以至甜品，一应俱全。点主菜、意粉及薄饼类等，+$38 可转套餐，包厨师餐汤 & 咖啡或茶。今日嘅厨师餐汤系南瓜忌廉汤，汤身浓稠适中，入口热辣辣，加上忌廉，香滑甜美，配面包脆条，口感一流！香脆鱿鱼圈 ($68)：鱿鱼圈炸得好香口，炸皮透薄，鱿鱼烟韧有咬口，配埋旁边嘅沙律菜同泰式甜辣酱食，更可减低油腻感。轻煎北海道刺身带子、红甜椒意大利饭 ($148)：带子 3 大粒，煎至半生熟，两面微焦，入口鲜甜弹牙。意大利饭亦煮得啱啱好，绵滑饱满，软稔中又带点烟韧。香草蜜糖烧春鸡 ($168)：春鸡皮脆肉滑，鸡皮烧得好靓仔，金黄薄脆，有甜甜蜜糖焦香，鸡肉滑嫩多汁，腌得好入味，吃时配以烧烤汁，滋味更佳。跟餐饮品点咗杯即磨咖啡，入口醇香馥郁，令人饮得称心满意。 自家制焦糖苹果批伴云呢拿雪糕 ($68)：苹果批做得好有水准，外层酥皮香
朋友识饮识食，每逢放假都会捐窿捐罅，发掘唔同嘅餐厅，一饱口福。这晚就由友人带路，嚟观塘工厦一尝特色西餐。
餐厅装潢优雅，以黑白两色为主调，墙上挂有壁画，再配上室内嘅微蓝灯光， 环境挺有情调，充满浪漫气氛。 
餐牌选项丰富，由头盘、小食、汤、意粉/意大利饭、薄饼、主菜，以至甜品，一应俱全。点主菜、意粉及薄饼类等，+$38 可转套餐，包厨师餐汤 & 咖啡或茶。
今日嘅厨师餐汤系南瓜忌廉汤，汤身浓稠适中，入口热辣辣，加上忌廉，香滑甜美，配面包脆条，口感一流！
香脆鱿鱼圈 ($68)：鱿鱼圈炸得好香口，炸皮透薄，鱿鱼烟韧有咬口，配埋旁边嘅沙律菜同泰式甜辣酱食，更可减低油腻感。
轻煎北海道刺身带子、红甜椒意大利饭 ($148)：带子 3 大粒，煎至半生熟，两面微焦，入口鲜甜弹牙。意大利饭亦煮得啱啱好，绵滑饱满，软稔中又带点烟韧。
香草蜜糖烧春鸡 ($168)：春鸡皮脆肉滑，鸡皮烧得好靓仔，金黄薄脆，有甜甜蜜糖焦香，鸡肉滑嫩多汁，腌得好入味，吃时配以烧烤汁，滋味更佳。
跟餐饮品点咗杯即磨咖啡，入口醇香馥郁，令人饮得称心满意。 
自家制焦糖苹果批伴云呢拿雪糕 ($68)：苹果批做得好有水准，外层酥皮香脆酥松，同内里清甜 Juicy 嘅苹果粒好夹，配埋云呢拿雪糕一齐食，Perfect match！
张贴
