影片
更多
2020-06-10
5925 浏览
我终于走出沙门氏菌三文治嘅阴霾，呢日再次嚟到观塘觅食，之前放咗朋友飞机，同佢食番餐好西补数😜。佢带咗我去鸿图道工厦开餐，我第一次去果幢大厦食嘢，发现原来都有几多餐厅，而且格局无其他工厦咁工厦...。我以为餐厅个位置几隐蔽下，晚市会冇乜客人，点知一去到发现气氛好热闹👏。餐厅仲有得掟飞镖同笃波，集美食与娱乐于一身！以工厦餐厅嚟讲，环境十分开扬，起码望到街，感觉无咁焗束。另外，餐厅占地面积大，因此每张餐枱都够大，唔会迫，情侣或者一班人嚟都适合，甚至可以Book佢个场地嚟搞Party🎉。餐厅晚市主要供应二人套餐或者两小时半任食海鲜套餐($298/一位)，由于朋友唔好海鲜🐟，加上二人餐而家做紧半价优惠($314，另收加一服务费)，好抵食😚。🥗烟三文鱼沙律 Smoked Salmon Salad，沙律有得拣烟三文鱼或者鲜虾，我哋拣咗前者。沙律造型精美，因为用咗烟三文鱼砌咗朵花出嚟；而且沙律亦够大份，同埋唔会唔够汁。🎃是日餐汤Daily Soup，我哋估计系南瓜甘旬汤，望落好似水水哋，但饮落味道都几浓，唔错。另外，餐汤有跟块蒜蓉餐包，味道正常。🥩澳洲肉眼扒(8安士)配野菌汁Australia Rib
我终于走出沙门氏菌三文治嘅阴霾，呢日再次嚟到观塘觅食，之前放咗朋友飞机，同佢食番餐好西补数😜。佢带咗我去鸿图道工厦开餐，我第一次去果幢大厦食嘢，发现原来都有几多餐厅，而且格局无其他工厦咁工厦...。
我以为餐厅个位置几隐蔽下，晚市会冇乜客人，点知一去到发现气氛好热闹👏。餐厅仲有得掟飞镖同笃波，集美食与娱乐于一身！
以工厦餐厅嚟讲，环境十分开扬，起码望到街，感觉无咁焗束。另外，餐厅占地面积大，因此每张餐枱都够大，唔会迫，情侣或者一班人嚟都适合，甚至可以Book佢个场地嚟搞Party🎉。
餐厅晚市主要供应二人套餐或者两小时半任食海鲜套餐($298/一位)，由于朋友唔好海鲜🐟，加上二人餐而家做紧半价优惠($314，另收加一服务费)，好抵食😚。
烟三文鱼沙律
60 浏览
1 赞好
0 留言
是日餐汤
47 浏览
0 赞好
0 留言
澳洲肉眼扒
33 浏览
0 赞好
0 留言
意大利西西里茄酱意大利粉伴脆炸软壳蟹
40 浏览
0 赞好
0 留言
蓝莓芝士杯配慕丝蛋糕
44 浏览
0 赞好
0 留言
最后，仲有两杯餐饮，柠茶柠水奶茶或者饮品柜到自己拣🥤。如果喺Openrice买优惠卷，饮品就可以拣红酒白酒🍷。
服务方面，店员全部都几好礼貌，又会主动收碟、落单，但如果上菜慢少少就会好啲🙏🏻。
总括嚟讲，呢餐晚餐有惊喜，令人满意；因为印象中观塘区同工厦嘅餐厅质素都系一般，但收费就有点儿滥收。不过Give Me 5🖐唔同，食物味道唔错，虽则未到好惊艳程度，但都无嘢要弹；加上收费老实，二人套餐收你呢个价就全包(加一服务费另计)，唔会你拣牛扒、食甜品又要再加钱啰。
张贴
