魔膳工房 (已易手) 新餐厅

又黎到观塘发掘下工厦有d咩好食，今次去左一间好近地铁站出口既魔膳厨工房食lunch。门口好普通简单，但入到去空间感好大，中间有个小小既沙律吧，行过小小有个投影机同mon播片，再另一边就系开放式bar位。午餐只系得set lunch menu，有一个餐包，罗宋汤/忌廉汤，一个主菜同一杯饮品。餐包系提子包，好软熟。红汤唔会太酸，白汤又唔会太稠，2款都好不错。主菜方面，选了粉红忌廉汁烟三文鱼意粉。唔好以为只有意粉面几片烟三文鱼，忌廉汁入面都有好多三文鱼肉，而且d汁好挂身，唔会稀稀的，加上车厘茄既小小酸味中和忌廉汁，食哂成碟都唔会太漏。另外一个主菜要咗纽西兰西冷牛扒配薯角。牛扒要左七成熟，厨师煎得啱啱好，入面既肉仲系粉红色，好多肉汁。跟餐配左黑椒汁，但我觉得牛扒唔需要点汁都已经好够味！伴菜既薯角都非常好味，好厚实好脆。饮品加钱叫咗一杯冻mocha同热柠蜜，柠蜜系正常味道偏甜。而mocha就有惊喜，好浓既咖啡味，又唔会太甜。 总括黎讲，呢度性价比好高既餐厅，环境又阔落，系同男女朋友食晚饭既好地方！