K2 Kitchen (已結業)

最近因为要去观塘工厦睇家私， 所以多咗喺附近楼上铺头揾食，今次食 K2 Kitchen 唔多唔少都因为佢系又抵食又有质素。室内装修颇有格调，座位坐得舒服，侍应keep住有 attention! 就算星期六日都记得一定要订枱因为会 full。之前朋友都同我黎食过，觉得晚餐抵食！酱烧美国猪仔肋骨 $148，加 $58 便可以转为套餐。Full set 咁食10分满足!首先上系精美头盘 焗车打芝士、烟肉大伞菌。size 几大件的大伞菌，上面铺满烟肉，然后再用车打芝士焗，香浓美味!然后今晚嘅餐汤系我最钟意嘅粟米汤，而且入边仲有蟹肉添！creamy 口感很好。酱烧美国猪仔肋骨 烤得很好，厨师火喉掌握得好，酱汁够 juicy 而且非常入味，骨肉分离,入口柔软细腻。肋骨肉质又唔会太干，而且最紧要就系容易切开，不费吹灰之力! 我个人就觉得味道惹味十足，旁边仲有烧汁作为补充，值得一试！中间我仲追加左一个小食，炸薯条黑松露酱 $42，正！餐茶嘅冻咖啡一样浓厚滋味！最后甜品系绿茶蛋糕，惊喜的是摆设成长方形的玫瑰花，果然好有心思！唔怪得全场有一半人都系庆祝生日吹蜡烛啦！