鳥棲日本料理 (已結業)

观塘工厦不嬲都好多美食，今次就黎到哩间日式居酒屋，餐厅环境超舒适，全部都系沙发凳，坐得好舒服，而且餐厅播既歌劲岩听😆餐牌上面既选择多样，今次就叫左比较热门既原条鳗鱼炒饭再加其他小食试下。🐟原条鳗鱼炒饭 $128 原条鳗鱼大条肉厚，而且无骨，质感系有啲黏口个种，炒饭底粒粒分明，每一粒饭都均匀沾上鳗鱼汁，饭入面仲有青椒粒、红椒粒同埋炒蛋，哩个饭真系几抵食。🐂（半生）牛肉他他烧 $88第一次食哩种半生牛肉，上到枱仲系粉红色😆估唔到放入口好有惊喜❗️ 油脂丰富细腻，完全无筋，有一种炙烧过既香气，而且味道鲜甜，点埋佢配有既酸酸地既酱汁，真系好好食，系食完一块接一块个种，好食推介👍🏻✨串烧鸟栖和牛$36、盐烧牛舌$35、烧猪颈肉$30 三串串烧都好惹味，鸟栖和牛烧得刚好；盐烧牛舌系厚切，香口有嚼劲；烧猪颈肉有惊喜，油脂丰溢，肉质软腍，猪颈肉绝对系好食推介👍🏻整体黎讲，餐厅环境非常舒适，食物亦唔错，好岩同朋友黎食野倾计。