影片
更多
2022-08-09
391 浏览
观塘骆驼漆食肆云集，星期六去咗帮衬「CHiLL-i」。之前经过已经想食，但晚市收得早，所以未有机会一尝😬。估唔到餐厅周末都有提供午市套餐，主菜介乎$68至$128不等，升级做豪华定食加$30🍱，包餐汤、小食两款同甜品。套餐内容丰富，摆盘缤纷。泰式青咖喱·烤鸡扒·牛油果·泰国香米白饭($98)，🥘青咖喱味道正宗，辣度显著，几惹味，捞饭食一流，但质感略嫌有啲滑潺潺。🥑伴旁搭配牛油果，组合特别，而且亦能中和辣味。🐔烤鸡扒大大块，煎至外脆肉嫩。香煎盲曹鱼柳·意大利茄酱烩菜·薯仔沙律($98)，菜式卖相吸引，面头插咗两条墨鱼面作点缀。🐟盲曹鱼柳大件兼厚身，肉质超滑又无骨。其他伴菜同样出色，🥔薯仔沙律清凉好味道；茄酱烩瓜菜则好鲜甜，酸度适中🍅。是日餐汤系蘑菇汤🍄，味道好浓郁，饮得出系用咗好多菇菌打成。炸麦乐鸡🍗，呢款小食虽则简单，不过好香口，大人细路都啱食。碎蛋沙律🥚，蛋白弹牙，将蛋黄打蓉捞匀，好似食紧烚蛋咁。蟹柳沙律🦀，呢个系日式风味，食落几开胃，如果加埋青瓜丝同蟹籽就正喇。薄荷青柠梳打(午餐价$28)，🍋梳打大大杯，冰凉解渴，啱晒夏天饮。薄荷同柠檬味一样突出，而且唔会太甜。热焦糖咖啡(午餐价$
观塘骆驼漆食肆云集，星期六去咗帮衬「CHiLL-i」。之前经过已经想食，但晚市收得早，所以未有机会一尝😬。
估唔到餐厅周末都有提供午市套餐，主菜介乎$68至$128不等，升级做豪华定食加$30🍱，包餐汤、小食两款同甜品。套餐内容丰富，摆盘缤纷。
泰式青咖喱·烤鸡扒·牛油果·泰国香米白饭($98)，🥘青咖喱味道正宗，辣度显著，几惹味，捞饭食一流，但质感略嫌有啲滑潺潺。🥑伴旁搭配牛油果，组合特别，而且亦能中和辣味。🐔烤鸡扒大大块，煎至外脆肉嫩。
香煎盲曹鱼柳·意大利茄酱烩菜·薯仔沙律($98)，菜式卖相吸引，面头插咗两条墨鱼面作点缀。🐟盲曹鱼柳大件兼厚身，肉质超滑又无骨。其他伴菜同样出色，🥔薯仔沙律清凉好味道；茄酱烩瓜菜则好鲜甜，酸度适中🍅。
是日餐汤系蘑菇汤🍄，味道好浓郁，饮得出系用咗好多菇菌打成。
炸麦乐鸡🍗，呢款小食虽则简单，不过好香口，大人细路都啱食。
碎蛋沙律🥚，蛋白弹牙，将蛋黄打蓉捞匀，好似食紧烚蛋咁。
蟹柳沙律🦀，呢个系日式风味，食落几开胃，如果加埋青瓜丝同蟹籽就正喇。
薄荷青柠梳打(午餐价$28)，🍋梳打大大杯，冰凉解渴，啱晒夏天饮。薄荷同柠檬味一样突出，而且唔会太甜。
热焦糖咖啡(午餐价$15)，☕️咖啡拉花几靓，闻落香味四溢。焦糖味适中，减轻咗苦涩。
甜品系一口芝士蛋糕🍰，味道唔错，而且仲搭咗啲水果添。
环境方面，餐厅面积唔大，座位得二十个左右，所以好大机会要等位。呢度冇华丽嘅装修，不过朴素嘅设计亦令人舒服😊。
总括嚟讲，呢间工厦餐厅将日式定食嘅概念，融入于西式美食当中🍽，为客人带来新体验。席上好似有唔少系熟客，听讲餐牌会定期转换呢。
张贴
