小城大廚

营业中

休息中

小妹刚巧今日喺观塘收工，约埋几个同事去食晚饭。知道观塘好多工厦都有好多特色餐厅，几个朋友想食中菜，又唔想去普通酒楼俾我发掘了呢间工厦入面嘅中菜馆。餐厅系成业工厂大厦地下一直行入去，都好易揾。今日平日再加入座时候尚早，所以餐厅未算太多人。但坐落慢慢开始到食饭时间，人数也变多了。好彩餐厅位置多，坐落都好宽阔。一坐落餐厅侍应送上三碟凉拌小食，尤其个凉拌云耳同话梅苦瓜，十分醒胃，值得一赞。小妹同朋友喜欢食炸嘢，所以叫了椒盐九肚鱼和锅贴小棠菜。因为好小酒楼会做呢两味𩠌，所以试下。椒盐九肚鱼热辣辣，外脆内软，九肚鱼非常嫩滑又大嚿，够椒盐味，够晒咸香。锅贴小棠菜，呢个系小妹最爱，满满嘅墨鱼胶捞埋小棠菜去炸，粉浆够薄，够晒香脆，有墨鱼味，值得推介。最后，见到佢厨师推介，叫左个招牌小炒王。材料有韭菜花，鱿鱼，鲜虾，银鱼仔，腰果，虾干。卖相十分漂亮又足料。食了几啖，十分惹味，即刻要叫个白饭黎送饭。职员还问我们要唔要食糖水，送上每人一碗绿豆沙。免费绿豆沙亦不马虎，除了绿豆还有薏米，系今晚餐饭划上完美嘅句号。