蒲公英和牛專門店

营业中

休息中

位于观塘工厦嘅一间隐世饺子店，好彩位置骆驼漆一楼唔想等lift行楼梯都好方便去到。铺头细细，但系收工去都坐满人间。饺子有几款选择，我哋叫左水煮厚皮白菜拼韮菜同生煎薄皮白菜拼韮菜，店员细心咁教我地由淡味食到浓味，之后先再点酱汁食，最后mix左个酱点黎食。水煮厚皮白菜拼韮菜餐厅用最简单水煮嘅方法去整，最可以表达到饺子嘅原汁原味，基本上唔洗点任何酱都好好味。最后都有试到点个mix嘅酱，重味啲，不过有另一个层次，好好食。生煎薄皮白菜拼韮菜煎饺系煎到单面金黄色，香口之于饺子入面都仲好juicy，呢个点自制嘅辣椒酱食可以解下煎嘅油腻感，仲可以提升下味道。而且仲有得外卖，天气冻想打边炉，可以买下餐厅人手整饺子返屋企自己煮或者煎，堂食紧果阵见到好多人食完之后再外卖返几盒返屋企，我怕煮得唔好，唯有下次再黎食啦。