掌壽司 (已結業)

观塘工厦真系有好多唔同嘅隐世餐厅，今次同朋友就去咗骆驼漆大厦三座，入到餐厅就好似去咗日本咁，餐厅嘅装修好有心思，好靓 。午市定食仲做紧8折优惠，真系好抵睇咗午市定食餐牌，拣咗份【寿司定食 $138】呢款定食，有6件寿司，其中一款寿司系厨师限定嘅寿司 (每日都唔同)，寿司六点包括：间八鱼、带子、油甘鱼、甜虾、池鱼及厨师发办：鱿鱼，每件寿司都新鲜肥美；另外仲配埋一碗鲜甜好味嘅【碎葱吞拿鱼茸饭】加埋豉油及 wasabi落去，捞埋一齐食真系正到不得了 另一份就拣咗【滑蛋吉列猪柳定食 $98】有2件大大块嘅吉列猪柳，肉质好嫩滑，配滑蛋真系好夹，滑蛋捞饭一流，饭较软腍 两份定食附沙律前菜 (一份系和风酱汁，另一份系kyuubi沙律酱)、 又香又滑嘅茶碗蒸、蚬肉味噌汤及甜品：朱古力杯装雪糕 另外追加咗份小食【明太子鸡翼(两件) $18】热辣辣嘅明太子鸡翼，炸到外脆内软，入面仲塞满明太子，辣辣地好味道 餐饮就跟餐【黑糖姜茶 +$5】饮完胃部暖粒粒，冬天饮就最啱；另一杯就系【咸柑橘梳打 +$10】 呢个环境又舒服，一路倾计一路食就最啱，定食大份又抵食，食到我地揽个个肚走 餐厅宜家仲做埋特价外卖便当 $3