魔膳廚房 (已結業)

以前读书时系观塘返过part time就知观塘d工厦多野食，不过估唔到宜家越开越多同越开越靓。咁岩要出去做野系附近放工，所以就决定系观塘食埋先走。餐厅比我想象中大，而且仲有包厢，不过我地得2个人就无缘坐了。自助沙律吧款式好齐全，甚至比我之前食某餐厅既自助餐更为丰富，而且睇得出好花心思布置。蘑菇汤闻落好香，味道都尚算浓郁。香煎三文鱼柳配藜麦沙律三文鱼柳煎得好出色，鱼皮煎得香脆，鱼肉即使煎到金黄色都无散开。旁边仲有d酸酸地辣辣地既酱汁，同个三文鱼非常夹。另一边沙律加上藜麦，令整碟菜式更健康。香煎带子黑松露意大利饭由于佢一早就上菜既关系，所以到我地食果阵已经冻左。但即使放耐左，黑松露既香气依然好强烈。带子煎到岩岩好，唔会话好难咬好擦胶。整体比较清淡，但我相信热食味道会更好。观塘工厦真系好多好餐厅，我觉得呢间都系其中一间可以再黎既餐厅。