保家山 (已結業)

又去观塘工厦揾食，揾到黎呢间手工和牛汉堡🍔店～保家山 Burger Saan～，呢度坐得舒服，好啱附近打工仔或者行街行到饿既我食。点解餐厅叫保家山，原来理念系由长洲抢包山 ，平安包转成汉堡包，希望大家食左呢度既汉堡平平安安。细个好钟意食汉堡包，但𠮶时黎黎去去都系得𠮶几间，而家食 到咁正嘅汉堡包真开心。创办人希望创造香港独有的汉堡包味道，加入香港文化元素而创立burger山。呢度有多款手工汉堡，入面夹住既材料好丰富，又新鲜，有和牛扒🐂、蕃茄🍅、紫洋葱🧅同生菜🥬。呢度汉堡扒用上高质的澳洲和牛，厨师将厚厚既和牛煎到刚刚好，粉嫩色，牛味极香浓，超JUICY，一咬爆汁。我地叫左“葵” 同 "山"手工和牛汉堡，即分别配上港式同山葵酱汁。港式汁好特色，用左好多款港式酱汁调配出黎，而我就好钟意山葵酱汁，少少辛辣味，但唔会抢喉，可以中和牛既油腻感🤤。呢度薯条超脆口，试左紫菜同麻辣口味，呢款麻辣口味真系第一次食，麻麻香香，好惹味。无糖蜜桃🍑茶，好香蜜桃味，无糖又徤康👍。