影片
更多
2018-09-19
36 浏览
今次又到👦🏻出动带大家食好西，今次要介绍既系观塘工厦一间西餐厅，餐厅正正系地铁站同大型商场附近，交通非常方便，今次早到左，侍应就推荐我地叫当日限定得五份既慢烧斧头牛肋骨试试，我地见个价钱都ok，$488连餐包、西汤、前菜(可以拣青口或沙律)以及餐饮，咁就试一试佢地既推荐。另外再叫左一份卡邦尼意粉，同埋都每人加左$38既任食沙律吧。🤤我见餐牌上面写住斧头牛肋骨要早一日预订同埋要等30分钟，好彩我地个日早到先有得食，如果你地睇完都好想试既就记住早一日打电话去预订。☎️首先讲下沙律吧，款式唔算好多，但系你一般谂到既都应该有齐。例如杂果薯仔沙律、带子裙边、粟米粒、中华沙律、西瓜、菠萝、啫喱糖、车厘茄、沙律菜......我个人就好钟意呢一类任食沙律吧，尤其有我最爱❤️既薯仔沙律同啫喱糖。🤤食到咁上下，餐汤、餐包同小食都送左上黎。个餐包都几松软。餐汤(忌廉汤)就系西餐厅正常水准，小食部分既青口淋上微辣既汁，味道都几夹。然后就到个卡邦尼意粉，上面铺左几块巴马火腿，味道黎讲唔算好咸，夹埋啲温室豆苗一齐食，都系一个几好既配搭，可以一试。😉最后到戏肉啦，侍应递上一盘慢烧既牛肋骨以及一堆配菜，如蒜头、蕃茄、烟肉
我见餐牌上面写住斧头牛肋骨要早一日预订同埋要等30分钟，好彩我地个日早到先有得食，如果你地睇完都好想试既就记住早一日打电话去预订。☎️
首先讲下沙律吧，款式唔算好多，但系你一般谂到既都应该有齐。例如杂果薯仔沙律、带子裙边、粟米粒、中华沙律、西瓜、菠萝、啫喱糖、车厘茄、沙律菜......我个人就好钟意呢一类任食沙律吧，尤其有我最爱❤️既薯仔沙律同啫喱糖。🤤
食到咁上下，餐汤、餐包同小食都送左上黎。个餐包都几松软。餐汤(忌廉汤)就系西餐厅正常水准，小食部分既青口淋上微辣既汁，味道都几夹。
然后就到个卡邦尼意粉，上面铺左几块巴马火腿，味道黎讲唔算好咸，夹埋啲温室豆苗一齐食，都系一个几好既配搭，可以一试。😉
最后到戏肉啦，侍应递上一盘慢烧既牛肋骨以及一堆配菜，如蒜头、蕃茄、烟肉芦笋卷、烧菠萝同埋薯仔粒，侍应俾我地影完相之后见我地切到鸡手鸭脚，主动提议帮我地拎番入厨房切好，切出黎至少都有十几块，而我地叫左5成熟，睇得出牛肉外围系烧得好靓既咖啡色，里面系粉红色既半熟程度，牛肉入口时食得出肉质完全唔系落松肉粉既松软，肉味浓郁但无经过过份既调味，建议钟意重口味既朋友仔沾一沾伴碟既烧汁。而伴碟既配菜都做得不错，特别系蒜头同薯仔粒，原个烤焗既蒜头，配埋牛肉可以中和牛肉既油腻，而稍微油炸过既薯仔粒好香口，令到牛肋骨更加加分。钟意食牛肉又食惯左牛扒既朋友仔，真心推荐你地试下呢道菜，可以试到牛扒以外既选择。😍
饮品方面可以免费饮热咖啡、奶茶、柠水、柠茶、冻汽水外，仲可以加钱升级特饮，例如有花茶、果汁、梳打、特色咖啡......。 每次都会透过以下6大方面评分(满分:30分)
味道 : 4 / 5
环境 : 4 / 5
外观 : 3.5 / 5
价钱 : 3 / 5
服务 : 3.5 / 5
回头率 : 4 / 5
总分 : 22 / 30
性价比
作为美食林立既观塘，要成功突围美味既食物同舒适既环境缺一不可，餐厅位于工厂大厦一楼，地下连接餐厅正门既楼梯布满唔同艺术品可以任你随便影相，行上呢条楼梯好似进入左一个魔法艺术森林🌲，同外面繁喧既街道有一种强烈既对比。上面推荐既慢烧斧头牛肋骨价格看似稍高，但份量足够两个人分享，9月30号前经openrice预订晚上八点后入座，只要人均消费满$188，将会全枱免费任食沙律吧，供应时间到晚上九点十五分左右，订埋位去就更加抵食啦。最后想讲下既就系见到好吸引但未有机会尝试到既蛋糕，布置精致既蛋糕系上台既时侯会用一个玻璃罩盖住，造型靓到影相呃like一流，下次一定要试下。😋
张贴