影片
更多
2015-07-17
2016 浏览
一直都想试下被人称为白饭杀手的韩式酱油蟹，所以提早左四日就打左去火星料理到book。 火星料理位于观塘工厂区，地理位置唔算太难揾，但预系地地铁站出左之后都要行番五至十分钟左右。内部既装修系好似分左几个apartment咁既，一个个厅咁坐。唔好处就系如果隔离烧烤紧，会有d油烟味飘过黎，所以解决既办法就系自己都烧埋一份XD 或者叫老板安排一下个坐位。老板系正宗韩国人，唔识讲广东话，都识少少普通话同英文，所以沟通上都无乜问题。而且都会有其他店员系试讲广东话既。食韩国菜，餐前既小菜一定唔少得。有六款，食完侍应或者老板会主动帮你refill。最钟意系薯仔芽菜同菠菜，少少酸酸地，好开胃。酱油蟹(唔记得左几多钱)我地三个人share左叫左一只酱油蟹，会配一碗白饭。有睇韩剧既都会知，酱油蟹既精采之处就系要将白饭捞落蟹盖都食，连埋d蟹膏同埋汁一齐食，终于明白点解会被称为白饭杀手，因为太香口太好味，系真系会食唔停。蟹膏既油香，加埋特别酱料既咸香，一个蟹盖食两碗白饭都好正常。至于其他蟹肉方面，都好新鲜好滑。三个人share一只好似就黎要打架咁济XD韩式紫菜包饭 $35纯粹太肚饿叫住d野下食。但估唔到$35有
一直都想试下被人称为白饭杀手的韩式酱油蟹，所以提早左四日就打左去火星料理到book。 火星料理位于观塘工厂区，地理位置唔算太难揾，但预系地地铁站出左之后都要行番五至十分钟左右。
内部既装修系好似分左几个apartment咁既，一个个厅咁坐。唔好处就系如果隔离烧烤紧，会有d油烟味飘过黎，所以解决既办法就系自己都烧埋一份XD 或者叫老板安排一下个坐位。老板系正宗韩国人，唔识讲广东话，都识少少普通话同英文，所以沟通上都无乜问题。而且都会有其他店员系试讲广东话既。
食韩国菜，餐前既小菜一定唔少得。有六款，食完侍应或者老板会主动帮你refill。最钟意系薯仔芽菜同菠菜，少少酸酸地，好开胃。
酱油蟹(唔记得左几多钱)我地三个人share左叫左一只酱油蟹，会配一碗白饭。有睇韩剧既都会知，酱油蟹既精采之处就系要将白饭捞落蟹盖都食，连埋d蟹膏同埋汁一齐食，终于明白点解会被称为白饭杀手，因为太香口太好味，系真系会食唔停。蟹膏既油香，加埋特别酱料既咸香，一个蟹盖食两碗白饭都好正常。至于其他蟹肉方面，都好新鲜好滑。三个人share一只好似就黎要打架咁济XD
韩式紫菜包饭 $35纯粹太肚饿叫住d野下食。但估唔到$35有咁大碟。而且好足料，抵食推介。
人参鸡锅 $260一大煲人参鸡，有成只鸡，人参，蔬菜，杂菇，粉丝，三四个人share再散叫其他都得。鸡肉好嫩滑，连平时最"鞋"既鸡胸都唔会有种好柴既感觉，而且鸡肉系个种用舌头顶一顶就骨肉分离既程度，唔错。 粉丝同其他配菜既分量都好多，一定食得饱。汤头都几清甜，有种蔬菜同菇既清甜，唔会话太咸，食完都唔会话要即刻饮好多水。
唯一美中不足既地方就系人参味唔够重，虽然会见到一大条人参系汤入面，唔饮落真系无乜人参味。之前去韩国食人参鸡汤，会有一樽人参酒一齐上，可以比食客系食之前按自己需要加落去，呢间就无。不过整体黎讲，都算唔错。
烤泡菜五花肉 $130又一韩剧迷必食之算，老板会帮你搞掂晒，所以唔洗惊唔识烧或者烧太耐定点。 老板会首先烧左五花肉既一边，然后差唔多既时候铺泡菜系面，等d泡菜汁流晒落d肉度，但d香味更出。最后系将泡菜包住件五花肉一齐食，泡菜既酸辣甜加上五花肉，真系超级好食。而且呢个餐度耐d五花肉切得比较薄身。咬落唔会太柴。推介!
烤照烧汁大虾 $130同五花肉一样，都系老板会帮手搞掂晒，懒人精选XD 开边大虾烧到半熟既时候，老板就会淋d独门照烧汁，食落会有少少辣辣地，好惹味。虾都好新鲜，又大只，d肉完全唔会霉霉烂烂，而系比较爽口弹牙既。
姜米水少少姜味，米味都几香，淡淡地唔太甜，食完烧烤呢d重味野清一清个口都唔错。
一个人最系埋单大概$250左右，系一个几适合一大班人一齐食饭倾下计既地方。食物既质素都唔错!
张贴
